الكروت الرمضانية دى عبارة عن إيه ؟؟
عبارة عن ورقةعلى شكل مربع دايرة مستطيل اى حاجة
وتكتبى فيها كلام وتوزعيه على عيلتك ، اصحابك ؟،جيرانك ،فى صلاة التراويح ،او حتى لما يكون عندك عزومة توزعيها ع الناس وتاخدى ثواب
تعالوا نعرف تتعمل ازاى
هتجيبى ورقة او ورقتين او اكتر على حسب عدد الناس اللى هتوزعيه عليهم الورق الفلين
وتقصيه على شكل دايرة او مربع او مستطيل او مثلث اى حااااااااااجة
يعنى تجيبى حاجة مدورة مثلا وتحطيها وتخططى حولها وبعدين تقصيها
'طيب كده قصينا وظبطنا كل حاجة
هنكتب ايه بقى ، تعالى اقولك
ممكن تكتبى فيها رمضان كريم وكل سنة وانتم طيبين ومتنسوش تقولوا دعاء الافطار وتوزعيها قبل الفطار فى رمضان
ممكن تكتبى فيها رمضان كريم وكل سنة وانتم طيبين ومتنسوش تصلوا التراويح كل يوم وتوزعيها بعد صلاة التراويح على زميلاتك فى الجامع
ممكن تكتبى فيها رمضان كريم وكل سنة وانتم طيبين ومتنسوش تقرأوا 4 صفح بعد كل صلاة عشان نختم القران فى رمضان
ممكن تكتبى فيها ""ها مستعدين للمسابقة القرآنية""وتعملوا مسابقة فى البيت لعيلتك للى هيختم القرآن الاول
ولو عندك طابعة يبقى تعملى على الفوتوشوب مثلا وتحفظيها وبعدين تطبيعها
وبكده يبقى عندك كروت رمضانية جميلة وتاخدي عليها ثواااب كبير لما تكتبى فيها حاجة مفيدة والناس هتفرح بيها اووى صدقينى
اتمنى اى واحدة استفادت حاجة تقيملى وتردلى وتدعيلى ((طمآآعة هههه))
وبشكر الفتاة الشقية على فواصلها الحلوة زيها